သင်္ခန်းစာယူတတ်ကြပါစေ .....

မကြာသေးခင်က အင်တာနက်စာမျက်နှာတွေမှာ ဗိုလ်ခင်ညွန့်နဲ့ ပတ်သက်တဲ့ ဗွီဒီယိုဖိုင်တခု ထွက်လာတော့ တော်တော်များများက စိတ်ဝင်တစားနဲ့ ကြည့်ဖြစ်ကြပါတယ်။ ပထမ စထွက်လာကာစ …. ဒီဗွီဒီယိုဖိုင်ကို ဖြန့်တဲ့သူက (နည်းပညာပိုင်း တစုံတရာ အခက်အခဲကြောင့်လားတော့မသိ) အသံမပါဘဲ ဖြန့်လိုက်တော့ …. ရုပ်ဘဲမြင်ရတဲ့ ရုပ်မြင်အသံမပါဖိုင်ဖြစ်နေပါတယ်.. အသံမပါဘဲနဲ့ ထွက်လာတော့ ဘာတွေပြောမှန်း မသိရတဲ့အတွက် ရုပ်တွေကိုကြည့်ရင်း အမြင်အမျိုးမျိုးနဲ့ သုံးသပ်ဝေဖန်ကြတာတွေလည်း ကြားရ ဖတ်ရပါတယ်။

နောက်ထပ်သိပ်မကြာခင်မှာဘဲ အသံပါပါတဲ့ဗွီဒီယိုရုပ်သံဖိုင် ထွက်လာခဲ့ပါတယ် … ပထမ စထွက်လာကတည်းက အမြင်အမျိုးမျိုး ဝေဖန်ကြသူတွေက ….. ဒီဗွီဒီယိုင်ဖိုင်ဟာ သူတို့ဖက်က တမင်သက်သက် အစီအစဉ်ရှိရှိ လူထုခေါင်းဆောင်အပေါ် လူထုက အာရုံစိုက်မှုရော့နည်းအောင်…. စစ်အုပ်စုအတွင်း သူတို့ကို အာခံဆန့်ကျင်သူတွေကို သတိပေးချင်သည့် သဘောဖြစ်အောင် ….. လူတွေဆီကနေ ဘာဝေဖန်မှုများ ထွက်လာသလဲဆိုတာ သိအောင်လို့ စသဖြင့် …. ဖြန့်ဝေတာလို့ သုံးသပ်သူတွေ ရှိသလို ….

သူတို့အုပ်စုအတွင်းမှ လှို့ဝှက်ချက်တွေကို အများသိအောင် ကြိုးစားဖေါ်ထုတ်တဲ့သူတွေက ဖြန့်တာ …လို့လဲ ယူဆတဲ့သူတွေ ရှိကြပါတယ် …..

ဒီဗွီဒီယိုဖိုင်ကို စစ်အရာရှိကြီးတဦးဆီက ရရှိခဲ့ပြီး… အဲဒီကိစ္စနဲ့ သူတို့အထဲမှာ ပြဿနာဖြစ်နေတယ်လို့လဲ …. သတင်းထွက်ပေါ်လာပါတယ် …. ဒါပေမဲ့ ဘယ်ဟာကအမှန်ဆိုတာ ဖြစ်ရပ်မှန်အတိအကျကို သိနိုင်ဖို့ ခက်တဲ့အတွက် အခုထိပြောဖို့ခက်နေဆဲပါ ….

ခန့်မှန်းပြောဆိုကြတဲ့သူတွေကလည်း ယခင်ကဖြစ်ဖူးခဲ့တဲ့ အခြေအနေ လုပ်ခဲ့ဖူးတဲ့သာဓက အကြောင်းအရာတွေနဲ့ နှိုင်းယှဉ်ပြီး စဉ်းစားသုံးသပ် ထင်မြင်ယူဆ ပြောဆိုကြခြင်းဖြစ်ပါတယ်။

ဒီဗွီဒီယိုဖိုင်ထွက်လာပြီးသည့်နောက် နောက်ဆက်တွဲအနေနှင့် ပြီးခဲ့တဲ့ လပိုင်းက ဗိုလ်ခင်ညွန့်ကို နေအိမ်အကျယ်ချူပ်ကနေ အကန့်အသတ်ဖြင့် သွားလာလှုပ်ရှားခွင့်ပြုလိုက်ပြီ … လွှတ်ပေးလိုက်ပြီလို့လဲ အတည်မပြုနိုင်သေးတဲ့ သတင်းထွက်ပေါ်ခဲ့ပါတယ် ….

ယခုအခါ အသံပါ ပါလာတဲ့ဗွီဒီယိုဖိုင် ထွက်လာပြီဖြစ်တဲ့အတွက် ယခင်ကထက် ပိုမိုနီးစပ်စွာ ခန့်မှန်းနိုင်ကြမှာ ဖြစ်ပါတယ် …..

ဘယ်လိုနည်းနဲ့ပဲ ဖြန့်ဖြန့် တချို့သူတွေထင်သလို သိပ်ပြီးတော့ ထူးခြားမှုတွေတော့ ဖြစ်လာလိမ့်မှာ မဟုတ်ပါဘူး။

အပြင်မှာသတင်းတွေ ထွက်ပေါ်နေသလို စစ်အုပ်စုအတွင်း သဘောထားကွဲကာ အားပြိုင်နေမှု၊ အချင်းချင်းမကျေနပ်မှု၊ ယခင်ဗိုလ်ခင်ညွန့်ရဲ့ စစ်ထောက်လှမ်းရေး လက်ကျန်အုပ်စုဟောင်းများ၊ ဗိုလ်ခင်ညွန့်အပေါ် လိုလားကြသူများဟု ယူဆသူတွေကို ….. သူတို့အပေါ် တစုံတရာ အနှောက်အယှက် ပြုလာနိုင်သည်ဟူသော ထင်မြင်ယူဆမှု၊ သံသယနှင့် နေအိမ်တွင်အကျယ်ချူပ်ထားခြင်းမှ အခြားသူတို့မျက်စိအောက်တွင် စောင့်ကြည့်နိုင်သည့် နေရာကိုပြောင်းရွှေ့လိုက်ခြင်းဖြစ်နိုင်ပါသည်။

စစ်အာဏာရှင် အဆက်ဆက်တွင် ရာထူးမှထုတ်ပယ် ဖယ်ရှားခံရသူတွေကို ပြန်လည်ပြီး နေရာပေးရိုးထုံးစံ မရှိလှပါ။ အကြံဥာဏ်ရယူလို၍ဖြစ်စေ၊ သိချင်လို့ဖြစ်စေ၊ တစုံတရာအသုံးချချင်လို့ဖြစ်စေ ခဏလောက်သာ ပြန်လည်အသုံးချတတ်ကြပါသည်။

ဗိုလ်ခင်ညွန့်၏ ပြန်လည်ပြောဆိုနေပုံကို ကြည့်ခြင်းအားဖြင့် သူ့ကိုစိတ်မချ၍ ….. သူတို့စိတ်ချသည့်နေရာတွင် ထားရန် လာခေါ်မှန်းသိနေပုံရပါသည်။

နိုင်ငံတော် (ဗိုလ်သန်းရွှေအပေါ် ဆိုလိုခြင်းဖြစ်ပါလိမ့်မည်) အပေါ် ဆန့်ကျင်တဲ့သူလဲ မဟုတ်ဘူး …….. သူဘာမှမလုပ်ကြောင်း …. ဘယ်သူနဲ့မှလည်း အဆက်အသွယ်မရှိကြောင်း ….. ဆံပင်တောင် ကိုယ့်ဘာသာညှပ်ရကြောင်း ….. ဘုရားတရားပဲ လုပ်ကြောင်းစသဖြင့် ပြောဆိုနေပုံကိုကြည့်ခြင်းအားဖြင့် ယခုလုပ်ရပ်အပေါ် မြွေ မြွေချင်း ခြေမြင်နေသည့်ပုံ … ဒါမျိုးတွေ ငါအရင်က လုပ်ခဲ့တာပါလို့ စိတ်ထဲမှာတော့ ပြောနေမိမယ်ထင်ပါတယ်။

လုပ်ပိုင်ခွင့် အာဏာတွေရှိခဲ့စဉ်က အနေအထားနှင့် ယခုလိုအနေထား ကွာဟမှုတွေကို စစ်အုပ်စုနှင့် အပေါင်းအပါများ သံဝေဂ တရားရစရာ သင်္ခန်းစာအဖြစ် ယူသင့်ပါသည်။ လောကတွင် ဘယ်အရာမှ အမြဲတည်မြဲသည်မရှိသည်ကို ဗိုလ်ခင်ညွန့်အဖြစ်က ထပ်မံသာဓက ပြလိုက်သည်ဖြစ်သည်။ ဘယ်လောက်ပင် လုပ်ပိုင်ခွင့် အာဏာရှိပါစေ တချိန်ချိန်မှာတော့ အဲဒီလုပ်ပိုင်ခွင့် အာဏာကို လက်လွှတ်ဆုံးရှုံးသွား ရသည်ပင်ဖြစ်သည်။ သာမာန်လူတယောက်လောက်ပင် လွတ်လပ်မှုမရှိ …. စိတ်ဆင်းရဲဒုက္ခရောက် သွားကြသည်ချည်းပင်ဖြစ်သည်။

မြန်မာနိုင်ငံတွင် စစ်အာဏာရှင်စနစ်ကို စတင်အုတ်မြစ်ချကာ အစပျိုးခဲ့သူ၊ စစ်အာဏာရှင်တို့၏ ဖခင်ကြီးဟုဆိုရမည့် သွားလေသူ ဗိုလ်နေဝင်းသည်လည်း သေသည့်အချိန်တွင် လူလိုသူလို အသုဘချခွင့်တောင် မရှိရှာပေ၊ ထို့အတူ သူ၏မိသားစုသည်လည်း သူတို့၏အသိုင်းအဝိုင်းမှ ဖယ်ထုတ်သုတ်သင်ပစ်ခြင်း ခံခဲ့ရသည် ။ ထိုနည်းတူစွာ ဗိုလ်စောမောင်၊ ဗိုလ်ထွန်းကြည်၊ ဗိုလ်ကျော်ဘ စသည်တို့၏ ဖြစ်ရပ်များက သင်္ခန်းစာယူစရာတွေပင် ဖြစ်သည်။

အချို့မှာ နေအိမ်အကျယ်ချူပ်၊ အချို့မှာ အကျဉ်းထောင်အတွင်း၊ အချို့မှာ စိတ်ဖိစီးမှုဒဏ်တွေနှင့် သေဆုံး၊ အချို့မှာ အပြတ်ရှင်းခြင်းခံကြရသည်။ စစ်အာဏာရှင်တို့သည် မိမိ၏ ကိုယ်ကျိုးစီးပွါးအတ္တမှလွဲ၍ မည်သည့်အရာကိုမှ ငဲ့ကြည့်တတ်ရိုး ထုံးစံမရှိပေ။ ရှေ့တွင်ဖြစ်ခဲ့သည့် အဖြစ်အပျက်တွေကို သံဝေဂတရားရပြီး သင်္ခန်းစာမယူကြသေးလျှင် နောင်တချိန်တွင် ကိုယ့်အလှည့်ကို ရောက်လာပါလိမ့်မည်။ အဲဒီအချိန်မှာတော့ အသုံးမဝင်တော့သည့် နောင်တရခြင်းမှ တပါး တခြားတော့ရှိမည်မထင်။

နိုင်ငံနှင့် ပြည်သူလူထုအပေါ် ဆိုးဝါးခါးသီးလှသည့် ဒုက္ခတွေပေးနေသည့် စစ်အာဏာရှင်စနစ်ကို တကယ့်စိတ်ရင်းစေတနာအမှန်ဖြင့် ပြုပြင်ပြောင်းလဲသင့်နေတာ ကြာမြင့်နေပါပြီ။ လက်နက်တွေကိုင်ဆောင်ပြီး အမိန့်ပေးစေခိုင်း မတရား ဖိနှိပ်အုပ်ချူပ်မှုများကို အမြန်ဆုံးရပ်ပစ်ဖို့ လိုနေပါပြီ။ ကိုယ့်အတ္တ ကိုယ်ကျိုးစီးပွါးကို ရှေ့တန်းတင်နေမှုများ ဆက်လက်ပြုလုပ်နေဦးမည် ဆိုလျှင်ဖြင့် မြန်မာနိုင်ငံ၏ အနာဂါတ်အရေးသည် အဆိုးဝါးဆုံးဖက်သို့ကိုသာ ဦးတည်ရောက်ရှိသွားမည်ဖြစ်သည်။

ဘက်ပေါင်းစုံ နိမ့်ကျနေသော နိုင်ငံနှင့်တိုင်းရင်းသား ပြည်သူလူထု တရပ်လုံး၏ အကျိုးစီးပွါးနှင့် ဖွံ့ဖြိုးတိုးတက်မှုတို့ကို သွေးထွက်သံယိုမှုကင်းစွာဖြင့် ငြိမ်းချမ်းစွာ အမြန်ဆုံးပြန်လည်ပြုပြင် တည်ဆောက်နိုင်ရန် တိုင်းရင်းသားလူမျိုးပေါင်းစုံ ပြည်သူလူထု တရပ်လုံးက အားထားယုံကြည်သည့် လူထုခေါင်းဆောင် ဒေါ်အောင်ဆန်းစုကြည် ဦးဆောင်သည့် ဒီမိုကရေစီအရေးလှုပ်ရှားနေကြသူများနှင့် အမြန်ဆုံးလက်တွဲ ပူးပေါင်းအဖြေရှာ လုပ်ဆောင်ခြင်းမှလွဲ၍ အခြားနည်းလမ်းမရှိပါ။ ဆက်လက်ပြီး ခေါင်းမာနေဦးမည် … မိုက်တွင်းနက်နေကျဦးမည်ဆိုလျှင် …. ထိခိုက်ဆုံးရှုံးမှုများစွာဖြင့် သွေးချောင်းစီးစေမည့် ဖြစ်ရပ်တခု မကြာခင် မလွဲမသွေ ကြုံတွေ့ ပေါ်ပေါက်လာပေလိမ့်မည်…………….။

THA